En bista di COVID y mal maneho di e gobierno saliente, Mervin lo enfoca riba e.o.:
Garantisa cu mas tanto persona den corto tempo y na mas localidad por ser vacuna contra COVID-19 pa crea inmunidad den nos comunidad pa asina reactiva nos economia
Crea trankilidad den nos comunidad y duna sosten y ayudo na esnan cu a perde nan entrada y ta biba den pobresa
Rescata Aruba su economia dor di renegosha medidanan cu e gobierno saliente a bai di acuerdo cu nan cu Hulanda y a firma pa medio di un Landspakket y 2 Ley di Reino, cualnan ta COHO y Raft
Den dialogo cu comercio kita e “red tape” cu tin actualmente y crea mas oportundad pa trabou pa asina famianan por pone pan ariba nan mesa
Garantisa Justicia Social pa un y tur, y no pa “friends and family”, cu atencion special pa esnan vulnerable den nos comunidad, manera hobennan, nos grandinan, pensionadonan, mayornan soltero, esnan cu limitacion y esnan di edad di 50+
Duna sosten na famianan pa viviendanan keda pagabel
Fortifica ayudo psycho-social y sostene famianan y mayornan den e tarea di educacion, hunto cu implementacion di Trai Media pa hoben y e Ley di Kinderopvang
Stimula agricultura, cria y pesca pa garantisa empleo y propio consumo
Garantisa leynan adecuado, acohida, guia y prevencion den caso di abuso di menor y violencia (domestico)
Promove cuido cualitativo di nos salud, den cual derecho di e pashent ta central cu atencion pa baha e lista di espera, prevencion y promocion di bida saludable
Promove y bin cu forma nan creativo pa atletanan por sigi praktika nan deporte durante temporada di pandemia
Sostene maestronan y docentenan pa nan por continua cu e reto di educa nos hobennan cu medionan digital
Introduci formanan creativo pa den tempo di pandemia keda stimula nos hobennan pa medio di deporte, arte y cultura
Stimula cohesion social den nos barionan, di e forma cu nos ciudadanonan por yuda otro tambe den e situacion actual
Sostene frontliners y cuerpo policial pa garantisa seguridad den nos pais y stimula prevencion di criminalidad
Diversificacion di nos economia y turismo cu atencion pa e-commerce y turismo medico pa haya mas ingreso pa nos pais
Den dialogo stimula desaroyo inovativo y cambio di mentalidad pa loke ta trata proteccion di nos naturalesa y uzo di energia alternativo e.o. pa baha costo di awa y coriente
