Bida, estudio y experiencia

Melvin Glorinda Wyatt-Ras, Mervin, a crece den un famia humilde Ras-Bareño di 3 yiu den barionan di Noord Cura Cabai, Brazil y Savaneta.

Mervin ta un orthopedagogo, terapista di Hypnosis Rational y Terapista di Famia y di Sistema. El a traha durante 12 aña na Departamento pa Asuntonan Social, seccion Dificultad di Bida y Famia, atendiendo muchanan y guiando famianan cu problemanan psycho-social y agresividad.

Tambe el a duna les na diferente profesional den ramo di educacion. Ademas e ta boluntario den su bario y den area cultural.

Mervin tabata parlamentario (2001-2021),
e prome Presidente di Parlamento Femenino (2005-2009 y di 2016-2017)
y Parlamentario Independiente (2010-2013).

Mervin a traha riba diferente ley di iniciativa, cualnan a ser aproba unanimamente den Parlamento: cambio di Codigo Penal pa castigonan mas halto pa abuso sexual di menor y hende muher, e Ley di Stalking, e Ley pa hisa e Verlof di Embaraso y Parto cu e oportunidad pa e mama por duna pecho of kolf na trabou y Ley di Ombudsman, hunto cu otro coleganan.

Mervin a mustra su integridad na momento cu el a vota pa e Ley di Austeridad of “Versoberingswet” na december 2010. Mervin sin mira su propio interes a para pa igualdad y vota pa kita diferente pensioen y acumulacion di “toelagen” di politico cu otronan den nos comunidad no ta gosa di dje. Partido MEP a rabia y a saka Mervin for di nan seno.

Despues cu el a keda independiente den Parlamento pa mas cu 2 aña Mervin a continua su carera politico den partido AVP, aumentando su votonan.